الكورة السودانية ومبارة المنتخبين المصري والجزائري
[i][b]بداية :الحمد لله وبعد الشكر للشباب معاذ عبدة علي المجهود الرايع والشكر للحبيب مكي حمد المهموم بقضايا الكلية ومالقيت زول بحب الكلية دي قدرك .. الحبيب الرشد لك التحية علي الدوام والحضور والمتابعة................
-الموضوع : قبل تحديد المبارة الفاصلة بين منتخبي مصر والجزائر في مفخرة البلد لم يكن للحدث اهتمام سوداني كل الموضوع مبارة كرة قدم لتحديد المتاهل للمنديال هكذا انحصر اهتمام الجمهور السوداني ....
-للحقيقة لم ولن اعرف الشعر بالتشجع والموازرة والوقوف خلف منتخبي بلدي في مثل هذا الظروف وينتابني شعور بالنقص لان المنتخب السوداني واللاعب السوداني والمشجع السوداني والمواطن السوداني وشبكة سوداني و و و جميعنا نفتقد للتربية الوطنية الخالصة وكل مرة اسمع الوطنية افتكر مقصود بيها السينما الوطنية او الوطنية للعماري الجيد ...... السؤال لي نحنا ماعندنا وطنية ؟... اذا كان السبب هو الحكومات والسياسات المتبعة في الدولة السودانية فجمهورية مصر ليست بافضل حال منا ..........
-اضف: لاعب كرة القدم الجزائري يفضل الجنسية الفرنسية علي اللعب لمنتخب بلادة...
عدم الوطنية مشكلة حقيقة وموضوع شايك وكلاموا كتير بس هو ما السبب في تدهور الكورة عندنا ..........
-الاتحاد عندنا يهتم بالمصلحة الشخصية , اللاعب يفضل اللعب في المريخ او الهلال علي حساب المنتخب, المدارس السنية والمنتخبات السنية اشبال وشباب والاولمبي دي بسمع بيها بس والله ياجماعة نحنا شعب بحب الكورة وماعارف يطوره كيف ؟؟؟؟؟؟؟؟؟؟؟؟؟؟؟؟؟؟
-والجرايد تكتب السودان يحظي باهتمام عالمي عشان مبارة ماعندنا فيها لاناقة ولا بعير
-والله من غير استراتيجيات واضحة وخطط لتنفيز مشاريع المدارس الرياضية السنية يوم نشجع غانا ويوم مصر ويوم اولاد فوزية
-وماحنشعر بي احساس تشجيع بلدنا دي كلوا كلوا
-انا لابشجع مصر ولا الجزاير . بستمتع بالكورة بس وانشاء الله يجي اليوم النشج فيهوا المنتخب الوطني السوداني متاهلا .......
